Акафист великомученице Параскеве Пятнице
5 (100%) 4 голос.(о зачатии, о рождении ребенка, от соперницы)
Кондак 1
Икос 1
Радуйся, Параскево, невесто Христова всехвальная.
Кондак 2
Видевше благолепие лица твоего, святая мученице Параскево, людие удивляхуся, взирающе на тя, не у ведяще красоты души твоея. Мы же, поминающе светлейшия паче солнца добродетели твоя, поим Господеви, даровавшему тебе благодать Свою: Аллилуиа .
Икос 2
Мудрости вместилище паче ума мирских мудрецев явилася еси, отроковице непорочная, измлада уклонившися от любве к миру и отвергшися всего яже в мире, всею полнотою любве твоея возлюбила еси Небеснаго Жениха Христа, Царя Славы, Емуже, яко верная раба, в житии твоем апостольски послужила еси, живши свято среди неверных и безбоязненно проповедавши им Христа Бога. Таковому твоему разуму дивящеся, сия похвалы тебе восписуем:
Радуйся, премудрая Евангельская дево, во свете веры и дел благих ходившая; радуйся, Христа Господа, Божию силу и Божию премудрость паче всего возлюбившая.
Радуйся, паче мудрецев мира сего мудрейшая; радуйся, паче старец идолослужительных разумевшая.
Радуйся, неверных светом веры просвещающая; радуйся, чад Церкве Христовы в вере утверждающая.
Радуйся, любовию твоею ко Христу ангельская ликостояния возвеселяющая; радуйся, демонския лукавствия оружием Креста Господня отгоняющая.
Радуйся, в проповедании веры богоглаголивая уста апостольская; радуйся, дев христианских украшение.
Радуйся, верная ко Христу Богу молитвеннице о нашем спасении; радуйся, всех скорбящих крепкое заступление и ограждение.
Радуйся, Параскево, невесто Христова всехвальная.
Кондак 3
Силою Христовою соблюдаема, всеславная мученице Параскево, о болезнех телесных небрегла еси, подвигом добрым подвизатися хотящи. Мужеским смыслом вооружившися, слабость женскую отвергла еси, упованием же укрепившися, радостно предстала еси на судище, идеже ясно веру в Троицу Божественную проповедала еси, Богу вопиющи: Аллилуиа .
Икос 3
Слышав от тебе, мудрая дщерь, неправедный судия неслыханная словеса о твоем рождении, яко благочестивии родители твои, страсти Христовы почитающе, знаменитаго дне тезоимениту тя нарекоша, Параскевою, в предзнаменование, яко Христовых страстей имаши быти причастницею. Не разуме же сего нечестивый игемон, но вещаше ти безстудная словеса и повеле бити тя суровыми жилами и полумертву тя сущу ввергнути в темницу. Ты же, доблественне претерпевши жесточайшия муки, в темнице, аки в чертозе светле ликующи, вопияла еси: «Никогда же отлучуся Тебе, Господи, но посли ми помощь Твою и спаси мя великия ради Твоея милости». Темже, ублажающе тя, вопием ти таковая:
Радуйся, незлобивая голубице, от искушений лукаваго врага свободившаяся; радуйся, словесная агнице, от злаго волка мучителя к доброму пастырю Христу Богу прибегшая.
Радуйся, во двор словесных овец, одесную Его стоящих, вшедшая; радуйся, на брак Агнчий радостно текущая.
Радуйся, яко тебе уготовано есть благ вечных сокровище; радуйся, яко тебе обетовано есть блаженство Царства Небеснаго.
Радуйся, премудрая Евангельская дево, светлогорящий светильник имущая; радуйся, дерзновение велие ко Христу Богу стяжавшая.
Радуйся, волею своею благое иго Христово на ся подъявшая; радуйся, сердце свое от всякия лести душевредныя чисто сохраншая.
Радуйся, истинная Христовых страстей причастнице; радуйся, во страданиях твоих благодатную помощь от Христа Господа получившая.
Радуйся, Параскево, невесто Христова всехвальная.
Кондак 4
Бурю тяжких искушений воздвигоша врази противу тебе, многострадальная Параскево; ты же от твоих кровей трудолюбно чашу страданий испила еси, желающи по Христе, Женисе твоем, во след потещи, прехвальная мученице, и яко ластовица доброгласная, песнь воспевала еси Христу Богу: Аллилуиа .
Икос 4
Имея всегда пред очима своима Господа, за исповедание веры палицами немилостивно от мучителей биема, радовалася еси, приснопамятная мученице Параскево, вопиющи: «Ничтоже мя разлучит от любве Твоея, Христе», и тако подвизаяся во Славу Божию, угодила еси Господу. Темже, поминающе честная твоя страдания, с умилением зовем ти:
Радуйся, агнице вседобляя, пастыреначальнику Христу принесшаяся, яко жертва благоуханная; радуйся, безсмертному Жениху Христу непорочное мучение твое, яко вено пречестное, представившая.
Радуйся, отроковице чистая, истинное исповедание веры православныя пред неверными явившая; радуйся, праведная обличительнице, неправду нечестиваго судии яве открывшая.
Радуйся, яко тобою посрамися лукавый враг, видящ себе от юной девы побежденна; радуйся, яко радуются о тебе и силы небесныя, видяще тя немощну и младу сущу, побеждающую лютых мучителей.
Радуйся, голубице чистая и непорочная сердцем; радуйся, смиренная агнице, благоуспешно честней и блаженней страсти Господней уподобльшаяся.
Радуйся, яко принеслася еси Зиждителю твоему, яко кадило благовонное; радуйся, яко зрит на тя пресветлое Солнце правды, тридневно возсиявшее от гроба и укрепившее тя к подвигу страдальческому.
Радуйся, яко за преславная твоя страдания сподобилася еси внити в чертог Христа, Царя Небеснаго; радуйся, яко тамо вкупе со святыми наслаждаешися неизреченною радостию.
Радуйся, Параскево, невесто Христова всехвальная.
Кондак 5
Благочестною звездою прешла еси в мире, страстотерпице славная Параскево, яко веру во Христа всем проповедающи. Страдания многа и люта мужески претерпевши, мучителя посрамила еси и ко Христу Господу, яко свету незаходимому, радостно востекла еси. Емуже предстоящи с лики праведных, выну вопиеши: Аллилуиа .
Икос 5
Видяще силы небесныя плотию страждущую Параскеву, Его силою крепящуюся, глаголаху: «Се, и девы на земли прославиша Господа!» Человецы же, трепетом одержими, ужасахуся и удивляющеся, песньми прославляху: «О чудесе! Дева врага победи и молится милостивому Владыке за спасение мира». Сего ради и мы, поминающе исполненное веры мужество твое, преславная мученице, ублажаем тя, глаголюще:
Радуйся, доблественная страстотерпице, в защиту веры православныя подвизавшаяся; радуйся, наветов вражиих мудрая разорительнице.
Радуйся, иконийскаго града учительнице; радуйся, идольския суетныя лести обличительнице.
Радуйся, верных смыслы вонями добродетелей твоих благовонствующая; радуйся, смрад страстный благодатию, свыше ти данною, отгоняющая.
Радуйся, еллинския кумиры, яко прах, уничижившая; радуйся, твоими подвиги, иже к Богу, тьмы начальника низложившая.
Радуйся, горняя, паче дольних, восхождения в сердце твоем положити возлюбившая; радуйся, Христу Господу, Человеколюбцу, всю себе предавшая.
Радуйся, подобне первомученице Фекле, мног народ словом Божиим просветившая; радуйся, неверных к Божественней вере приведшая.
Радуйся, Параскево, невесто Христова всехвальная.
Кондак 6
Проповедницу чудес и славы Божия явила еси себе, доблестная мученице Параскево, после преславнаго исцеления в темнице, от Христа Господа тебе дарованнаго. Емуже возсылая благодарственная моления, радостно мы вопием: Аллилуиа .
Икос 6
Возсияла еси, яко светозарная звезда, обагрившися каплями кровными, и Божественною благодатию отгнала еси безбожия тьму, мученице Параскево, просветивши верныя, чтущия твоя доблественныя подвиги. Темже восхваляюще тя, усердно вопием ти:
Радуйся, богомудрая дево, Христовых страстей общнице; радуйся, в темнице ти сущей, ангельскаго посещения сподобльшаяся.
Радуйся, в отраду болезней твоих орудия страстей Христовых созерцавшая; радуйся, Честный Крест и терновый венец нетленнаго Жениха твоего, Христа, узревшая.
Радуйся, язвы Господа на теле твоем носившая; радуйся, от всех язв Темже Господем чрез ангела исцеленная.
Радуйся, яко Тойже Господь даровал тебе крепость и премудрость, ейже не возмогоша противитися вси противляющиися истине; радуйся, от кровей твоих светлую себе ризу исткавшая.
Радуйся, яко тобою от многих ран грешнии исцеляются; радуйся, яко тобою от различных болезней с верою тя призывающии здравие приемлют.
Радуйся, уз греховных скорая решительнице; радуйся, о всех христианах пред престолом Божиим верная молитвеннице.
Радуйся, Параскево, невесто Христова всехвальная.
Кондак 7
Хотящу безумному мучителю игемону желание свое улучити и паки покушающуся ласкательными словесы тебе, святая мученице Параскево, от истиннаго Бога обратити к поклонению идолом; ты же, яко богомудрая дева, вразумляя его в суетстве идолов, рекла еси ему: «Покажи ми, игемоне, богов, ихже ты мниши исцеливших мя от ран», и по велению мучителя пришедши в храм идольский, помолилася еси единому истинному Богу, от Егоже Святаго имене вси идоли падоша и разсыпашася в прах, во уверение, яко един есть Бог, прославляемый во Святей Троице, Емуже вкупе со святыми ангелами выну вопиеши: Аллилуиа .
Икос 7
Новую показа безчеловечия ярость зверообразный мучитель, егда тебе, святая мученице Параскево, повеле на древе повесити и свещами горящими опаляти твоя девическая ребра. Сие пачеестественное терпение твое благоговейно воспоминающе, похвалами блажим тя сицевыми:
Радуйся, многообразныя болезни за Царя Христа Бога претерпевшая; радуйся, яко пред лицем человеческим аще и муку прияла еси, упование же твое безсмертия исполнено есть.
Радуйся, яко повешена была еси на древе Христа ради, на Кресте распятаго, да венцем нетления от Него увязешися; радуйся, яко строгана была еси по ребром, Иисуса ради копием в ребро прободеннаго, да Царствием Его Небесным насладишися.
Радуйся, яко огнь любве к Богу в сердце твоем возжгла еси; радуйся, яко за Того свещами огненными палима была еси.
Радуйся, твердейшая адаманта в терпении твоем показавшаяся; радуйся, в вере во Христа Господа крепчае паче камене, в мужестве непоколебимом пребывшая.
Радуйся, яко огнем опаляема, огненною мудростию пламень угасила еси естественный; радуйся, яко свещу неугасиму душевную соблюдши, вошла еси со Христом Женихом твоим в чертог Небесный.
Радуйся, яко чудесными искрами страсти умертвивши, демонския полки страдальчески победила еси; радуйся, яко страданиями твоими мног народ к познанию истиннаго Бога привела еси.
Радуйся, Параскево, невесто Христова всехвальная.
Кондак 8
Странное и страшное святыя мученицы Параскевы страдание видяще, вернии удивляхуся зело: како млада отроковица сущи, в юностнем телеси таковыя мужественно за Христа терпит муки, слезнаго исполнишася умиления; невернии же трепетом одержими и чудесными искрами опаляеми от Ангела, бежаху; мы же, прославляюще дивнаго во святых Бога, вопием: Аллилуиа .
Икос 8
Весь Сладчайший Иисус сладость, весь желание тебе бысть, святая мученице Параскево: сладце бо Его ради горькия терпела еси муки, глаголющи к мучителю: «Враже нечестивый игемоне, что неистовствуеши на христианы: ни царства у тебе отъях, ни града твоего разорих, но буими словесы увещати мя помышляеши. Аз плоти моея не щажду за Христа моего, зане Он любит мя: к Нему пойду и Того буду невеста. Той мене спасет о рук враг моих и дарует ми жизнь вечную». Поминаюше сицевая твоя словеса и доблественныя подвиги твоего исповедничества, вопием ти:
Радуйся, злобы неверных не устрашившаяся; радуйся, твари паче Создавшаго не послужившая.
Радуйся, воеже сопротивлятися врагом Божиим, в духовное всеоружие благодати Божией облекшаяся; радуйся, идолом немым и глухим в капище идольском не поклонившаяся.
Радуйся, именем всесильнаго Господа и твоею к Нему молитвою вся идолы тамо сокрушившая; радуйся, демонов коварствия божественною силою упразднившая.
Радуйся, томления мучителей Крестом Господним, яко державным оружием, мужески победившая; радуйся, огненное опаление и жжение девственнаго телесе твоего в воню мира Христу Богу принесшая.
Радуйся, веру, надежду и любовь к Богу сохраншая; радуйся, победы венец от руки Христа Жизнодавца приемшая.
Радуйся, реко, исполненная благодати Божия водами; радуйся, источниче, кипящий чудес излиянии.
Радуйся, Параскево, невесто Христова всехвальная.
Кондак 9
Всеми богокрасными лепотами добродетелей украсивши себе, прехвальная мученице Параскево, явилася еси тверда и непоколебима во исповедании веры Христовы. Сего ради ангельское естество велиею возрадовася радостию, узревши мужественную крепость твою и твердое твое упование. И мы слышавше, како посрамися лукавый враг, от девы побеждаемь, и како Сам Христос Бог достойно венчает тя мученицу, купно с тобою радостно вопием прославляющему тя Господу: Аллилуиа .
Икос 9
Витийствующий язык не возможет возсхвалити дела твоя и великия страдальческия твоя подвиги по достоянию, славная мученице Параскево: кто бо повесть страдания твоя и добродетели; на судищи бо исповедавши истиннаго Бога, от безчеловечных мучителей претерпела еси лютая, болезненная страдания; и в сих жестоких болезнех бывши палицами биема, железными ноготьми строгаема и огнем палима, ничтоже ино вещала еси к Создателю твоему, токмо сие: «Спаси мя, Господи, недостойную рабу, не разлучи мене, Христе, от Твоего желания!» Смиренно поминающе сицевая твоя страдания, умиленную песнь приносим ти, глаголюще:
Радуйся, кровию страдания твоего Христу Богу уневестившаяся; радуйся, страстем Христовым подражавшая.
Радуйся, любве ради Господни жестокия мучения претерпевшая; радуйся, от Небеснаго Царя благолепный венец восприявшая.
Радуйся, яко всем верным воспоминание твое пресладко; радуйся, яко всей Церкви Христовой имя твое пречестно.
Радуйся, досточудное ангелом и человеком зрелище бывшая; радуйся, и самых мучителей непобедимым терпением твоим удивившая.
Радуйся, яко Сам Господь свыше призре на твоя страдания; радуйся, яко Сам Той Подвигоположник похвали твоя подвиги.
Радуйся, девам доброто и похваление; радуйся, мучеником красото и верным утешение.
Радуйся, Параскево, невесто Христова всехвальная.
Кондак 10
Спасти хотя душу твою, о теле твоем всячески небрегла еси, святая мученице Параскево; егда бо на тя и мечное на смерть осуждение изыде от беззаконнаго мучителя, ты под меч острый, аки под венец красный, радостно потекла еси; и во главу усекновена бывши, душею твоею воспарила еси в чертог Жениха твоего Безсмертнаго, Христа Бога, Емуже выну на Небесех ныне воспеваеши: Аллилуиа .
Икос 10
Стена была еси крепка и непоколебима во исповедании веры в Триединаго Бога: сего ради многоболезненная страдания от мучителя претерпела еси, и добре скончавши течение твое, венец от Христа Бога прияла еси, и ангельских ликостояний на Небеси сподобилася еси. Темже поминаюше твоя, подвиги, ублажаем тя, многострадальная:
Радуйся, течение мученическаго пути добре скончавшая; радуйся, веру безсмертному Жениху Христу до смерти сохраншая.
Радуйся, в житии твоем богоугодными делы Господеви послужившая; радуйся, за любовь ко Христу Богу всю мирскую суету отвергшая.
Радуйся, силою свыше на брань противу сил преисподних препоясанная; радуйся, победоносною славою в вышних от Христа Победителя одеянная.
Радуйся, оружием благоволения Божия венчанная на земли; радуйся, цветом неувядаемым украшенная на Небеси.
Радуйся, христианом крепкое прибежище; радуйся, верным твердое заступление.
Радуйся, безпомощных защитительнице; радуйся, сирых покровительнице.
Радуйся, Параскево, невесто Христова всехвальная.
Кондак 11
Пение наше всякое побеждается, и многое множество хвалебных песней, восписуемых ти, несть довольно по достоянию восхвалити тя, прехвальная мученице Параскево; обаче молитвами твоими получающе от Христа Бога неисчетная благодеяния, благодарни суще, поем о тебе Ему: Аллилуиа .
Икос 11
Возсиявши нам, яко светило светозарное, мрак демонский от человек твоими мольбами отгоняеши, святая мученице Параскево, приемши бо благодать целити недуги, всем верным, притекающим к тебе с молитвою, подаеши исцеление: кровоточивии бо и прокаженнии прикосновением к раце мощей твоих очищаются, глусии слышат, разслабленнии здрави бывают призыванием святаго твоего имене. Мы же, поминающе скорое заступление твое, вопием ти:
Радуйся, благовонная смирно, Церковь Христову благоухающая; радуйся, благонадежная молитвеннице, фимиам молитвы о нас к Богу приносящая.
Радуйся, мироположнице исцелений неоскудная; радуйся, сокровище Божиих даров неиждиваемое.
Радуйся, чаше, от обилия дому Божия черплющая радость; радуйся, сосуде, от исполнения Христова приемлющий всех благ небесных сладость.
Радуйся, благодатную росу исцелений всем верным источающая; радуйся, скорбныя сердца недужных дарованием исцелений ободряющая.
Радуйся, яко Христос Бог за доблественная твоя страдания славу и велелепие на тя возложил есть; радуйся, яко тебе Царь царствующих и Господь господствующих блаженство Царствия Своего даровал есть.
Радуйся, Царствия Христова сонаследнице; радуйся, славы Божией сопричастнице.
Радуйся, Параскево, невесто Христова всехвальная.
Кондак 12
Благодать от Бога дана ти есть подавати исцеления всем требующим, яко от источника пребогатаго, хранити же и соблюдати от различных болезней, бед и скорбей всякаго человека, верою, любовию и благоговением честная твоя страдания воспоминающаго и почитающаго. Молитвеннаго твоего о нас предстательства и благодатных дарований не лиши и нас, многострадальная Христова страстотерпице; да и мы, здрави суще телом и духом, в нынешней и будущей жизни о тебе поем Богу: Аллилуиа .
Икос 12
Поем твоя крепкия подвиги, почитаем страдания, хвалим долготерпение, ублажаем святую твою кончину, славим твое в немощнем теле непобедимое мужество, имже на земли и на Небеси прославилася еси, святая и добропобедная мученице Параскево; и в честь твоих победоносных подвигов и страданий похвальная восписуем ти сия:
Радуйся, от ангельских чинов в сожительство их любезно приятая; радуйся, от девственных ликов в чертог небесный радостно введенная.
Радуйся, от мученических полков под венец славы провождаемая во гласе радования; радуйся, от небесных жителей приемлющая о Господе целование.
Радуйся, яко мзда твоя многа есть на Небесех; радуйся, яко радость твоя вечна есть во светлости святых.
Радуйся, в небесном чертозе Божественнаго Жениха твоего со ангелы Его веселящаяся; радуйся, лицезрением Всеблагаго Господа тамо вкупе со святыми наслаждающаяся.
Радуйся, душевных и телесных недугов наших целительнице; радуйся, душеспасительных благ и небесных даров подательнице.
Радуйся, яко тобою от нечаянныя смерти сохранитися уповаем; радуйся, яко твоим заступлением вечную жизнь от Христа Бога улучити благонадежно чаем.
Радуйся, Параскево, невесто Христова всехвальная.
Кондак 13
О святая премудрая и всехвальная мученице, невесто Христова Параскево! От благоговейных сердец приносимую ти, аще и недостойную, хвалебную песнь сию приими от нас, яко усердную жертву сердец, любящих тя и чествующих святую память твою. Охраняй нас молитвами твоими святыми, и вся люди, притекающия к честней иконе твоей и с любовию лобызающия ю, избавляй от всякаго злаго обстояния и скорби; да тихое и безмолвное житие поживше в нынешнем веце, блаженство вечное наследим и купно с тобою и всеми святыми выну сподобимся воспевати Богу: Аллилуиа .
(Этот кондак читается трижды, затем икос 1-й и кондак 1-й.)
Икос 1
Ангелом честную и вселюбезную чистоту твоего сердца, многострадальная Параскево, непорочно сохранши, ангелом собеседница быти сподобилася еси. С нимиже воспевая Трисвятую песнь Богу на небеси, услыши и нас, верою и любовию чтущих тя и вопиющих ти хваления сия на земли:
Радуйся, отроковице, Богом Отцем представленная быти сообразной в страдании образу Сына Его; радуйся, и Сыном Божиим укрепленная на подвиги страдальческия.
Радуйся, истинную веру в Животворящую и Единосущную Троицу свято соблюдшая; радуйся, святое целомудрие и девственную непорочность добре сохраншая.
Радуйся, яко радостно уневестилася еси безсмертному Небесному Жениху Христу; радуйся, земнаго обручника паче Небеснаго знати не восхотевшая.
Радуйся, яко цвет чистоты, в неувядаемой славе цветущая; радуйся, яко крин, вонями твоих добродетелей нам благоухающая.
Радуйся, в Небесном вертограде неизреченною радостию наслаждающаяся; радуйся, краснейшаго паче сынов человеческих зрением тамо утешающаяся.
Радуйся, убелившая ризы твоя в крови Агнчей на земли; радуйся, в лике девственниц предстоящая Божиему Агнцу на небеси.
Радуйся, Параскево, невесто Христова всехвальная.
Кондак 1
Избранной Богом от рода благороднаго, иконийскаго града, премудрой и всехвальной невесте Христове, яко избавляемии тобою от искушений и бед, благодарственная пения и хваления восписуем ти молитвенницы твои, святая и многострадальная мученице Параскево. Ты же, имея дерзновение ко Господу, от всяких нас бед свободи, да со умилением и радостию зовем ти:
Радуйся, Параскево, невесто Христова всехвальная.
После акафиста читается молитва.
Молитва
«Святая невесто Христова, многострадальная мученице Параскево! Вемы, яко от юности твоея ты всею душею твоею и всем сердцем твоим возлюбила еси Царя Славы, Христа Спасителя, и Ему единому уневестилася еси, раздавши имения твоя неимущим и бедным. Ты силою благочестия твоего, твоим целомудрием и праведностию, яко лучами солнечными, просияла еси, живши свято среди неверных и безбоязненно проповедавши им Христа Бога. Ты, от дней юности твоея, наученная твоими родителями, всегда благоговейно чествовала дни искупительных страстей Господа нашего Иисуса Христа, Егоже ради и сама добровольно пострадала еси. Ты, десницею Ангела Божия от неисцельных ран дивно исцеленная и восприявшая неизреченную светлость, изумила еси неверных мучителей. Ты, именем Господа нашего Иисуса Христа и силою молитвы твоею в капище языческом всех идолов долу повергши, в прах сокрушила еси я. Ты, опаляемая свещами, единою молитвою твоею ко всесильному Господу угасила еси огнь естественный, и тем же пламенем, чудесне возжженным чрез Ангела Божия, попаливши неистовых беззаконников, мног народ привела еси к познанию истиннаго Бога. Ты, во славу Господа приявши мечное главы твоея усечение от мучителей, доблественно скончала еси страдальческий твой подвиг, возшедши душею твоею на Небеса, в чертог вожделеннаго твоего Жениха Христа Царя Славы, радостно сретшаго тя сим небесным гласом: «Радуйтеся, праведнии, яко мученица Параскева увенчася!» Темже и мы днесь приветствуем тя, многострадальная, и, взирающе на святую твою икону, с умилением вопием ти: всечестная Параскево! Вемы, яко велие имаши дерзновение ко Господу: умоли убо Его, Человеколюбца, и о нас предстоящих и молящихся ти. Да подаст Он и нам, якоже тебе, терпение и благодушие в бедах и скорбных обстояниях; да дарует Он, ходатайством твоим и заступлением, радостное, благоденственное и мирное житие, здравие же и спасение, и во всем благое поспешение возлюбленному нашему отечеству да ниспослет святое Свое благословение и мир, и всем православным христианом да подаст твоими святыми молитвами утверждение в вере, благочестии и святости, преспеяние же в христианской любви и всякой добродетели; да очистит нас грешных от всякия скверны и порока; да оградит нас святыми Своими ангелами, да заступит, сохранит и помилует всех святою Своею благодатию и соделает наследниками и причастниками Небеснаго Своего Царствия. И тако улучивше спасение твоими святыми молитвами, предстательством и заступлением, всеславная невесто Христова Параскево, прославим все пречестное и великолепое имя дивнаго во святых Своих истиннаго Бога, Отца, и Сына, и Святаго Духа, всегда, ныне и присно, и во веки веков. Аминь.»
Тропарь, глас 4
Премудрая и всехвальная Христова мученица Параскева, мужескую крепость приимши, женскую же немощь отвергши, диавола победи и мучителя посрами, вопиющи и глаголющи: приидите, тело мое мечем ссецыте и огнем сожгите, аз бо, радующися, иду ко Христу, Жениху моему. Тоя молитвами, Христе Боже, спаси души наша.
Кондак, глас 3
Всесвятое и непорочное мучение принесши, яко вено пречестное, безсмертному Жениху Христу, Ангельское ликостояние возвеселила еси и победила еси демонския козни. Сего ради тя честно верою чтим, мученице Параскево многострадальная.
Кондак 1
И збранной Богом от рода благороднаго, иконийскаго града, премудрой и всехвальной невесте Христове, яко избавляемии тобою от искушений и бед, благодарственная пения и хваления восписуем ти молитвенницы твои, святая и многострадальная мученице Параскево. Ты же, имея дерзновение ко Господу, от всяких нас бед свободи, да со умилением и радостию зовем ти:
Икос 1
А нгелом честную и вселюбезную чистоту твоего сердца, многострадальная Параскево, непорочно сохранши, ангелом собеседница быти сподобилася еси. С нимиже воспевая Трисвятую песнь Богу на небеси, услыши и нас, верою и любовию чтущих тя и вопиющих ти хваления сия на земли:
Радуйся, отроковице, Богом Отцем представленная быти сообразной в страдании образу Сына Его; радуйся, и Сыном Божиим укрепленная на подвиги страдальческия.
Радуйся, истинную веру в Животворящую и Единосущную Троицу свято соблюдшая; радуйся, святое целомудрие и девственную непорочность добре сохраншая.
Радуйся, яко радостно уневестилася еси безсмертному Небесному Жениху Христу; радуйся, земнаго обручника паче Небеснаго знати не восхотевшая.
Радуйся, яко цвет чистоты, в неувядаемой славе цветущая; радуйся, яко крин, вонями твоих добродетелей нам благоухающая.
Радуйся, в Небесном вертограде неизреченною радостию наслаждающаяся; радуйся, краснейшаго паче сынов человеческих зрением тамо утешающаяся.
Радуйся, убелившая ризы твоя в крови Агнчей на земли; радуйся, в лике девственниц предстоящая Божиему Агнцу на небеси.
Радуйся, Параскево, невесто Христова всехвальная.
Кондак 2
В идевше благолепие лица твоего, святая мученице Параскево, людие удивляхуся, взирающе на тя, не у ведяще красоты души твоея. Мы же, поминающе светлейшия паче солнца добродетели твоя, поим Господеви, даровавшему тебе благодать Свою: Аллилуиа.
Икос 2
М удрости вместилище паче ума мирских мудрецев явилася еси, отроковице непорочная, измлада уклонившися от любве к миру и отвергшися всего яже в мире, всею полнотою любве твоея возлюбила еси Небеснаго Жениха Христа, Царя Славы, Емуже, яко верная раба, в житии твоем апостольски послужила еси, живши свято среди неверных и безбоязненно проповедавши им Христа Бога. Таковому твоему разуму дивящеся, сия похвалы тебе восписуем:
Радуйся, премудрая Евангельская дево, во свете веры и дел благих ходившая; радуйся, Христа Господа, Божию силу и Божию премудрость паче всего возлюбившая.
Радуйся, паче мудрецев мира сего мудрейшая; радуйся, паче старец идолослужительных разумевшая.
Радуйся, неверных светом веры просвещающая; радуйся, чад Церкве Христовы в вере утверждающая.
Радуйся, любовию твоею ко Христу ангельская ликостояния возвеселяющая; радуйся, демонския лукавствия оружием Креста Господня отгоняющая.
Радуйся, в проповедании веры богоглаголивая уста апостольская; радуйся, дев христианских украшение.
Радуйся, верная ко Христу Богу молитвеннице о нашем спасении; радуйся, всех скорбящих крепкое заступление и ограждение.
Радуйся, Параскево, невесто Христова всехвальная.
Кондак 3
С илою Христовою соблюдаема, всеславная мученице Параскево, о болезнех телесных небрегла еси, подвигом добрым подвизатися хотящи. Мужеским смыслом вооружившися, слабость женскую отвергла еси, упованием же укрепившися, радостно предстала еси на судище, идеже ясно веру в Троицу Божественную проповедала еси, Богу вопиющи: Аллилуиа.
Икос 3
С лышав от тебе, мудрая дщерь, неправедный судия неслыханная словеса о твоем рождении, яко благочестивии родители твои, страсти Христовы почитающе, знаменитаго дне тезоимениту тя нарекоша, Параскевою, в предзнаменование, яко Христовых страстей имаши быти причастницею. Не разуме же сего нечестивый игемон, но вещаше ти безстудная словеса и повеле бити тя суровыми жилами и полумертву тя сущу ввергнути в темницу. Ты же, доблественне претерпевши жесточайшия муки, в темнице, аки в чертозе светле ликующи, вопияла еси: «Никогда же отлучуся Тебе, Господи, но посли ми помощь Твою и спаси мя великия ради Твоея милости». Темже, ублажающе тя, вопием ти таковая:
Радуйся, незлобивая голубице, от искушений лукаваго врага свободившаяся; радуйся, словесная агнице, от злаго волка мучителя к доброму пастырю Христу Богу прибегшая.
Радуйся, во двор словесных овец, одесную Его стоящих, вшедшая; радуйся, на брак Агнчий радостно текущая.
Радуйся, яко тебе уготовано есть благ вечных сокровище; радуйся, яко тебе обетовано есть блаженство Царства Небеснаго.
Радуйся, премудрая Евангельская дево, светлогорящий светильник имущая; радуйся, дерзновение велие ко Христу Богу стяжавшая.
Радуйся, волею своею благое иго Христово на ся подъявшая; радуйся, сердце свое от всякия лести душевредныя чисто сохраншая.
Радуйся, истинная Христовых страстей причастнице; радуйся, во страданиях твоих благодатную помощь от Христа Господа получившая.
Радуйся, Параскево, невесто Христова всехвальная.
Кондак 4
Б урю тяжких искушений воздвигоша врази противу тебе, многострадальная Параскево; ты же от твоих кровей трудолюбно чашу страданий испила еси, желающи по Христе, Женисе твоем, во след потещи, прехвальная мученице, и яко ластовица доброгласная, песнь воспевала еси Христу Богу: Аллилуиа.
Икос 4
И мея всегда пред очима своима Господа, за исповедание веры палицами немилостивно от мучителей биема, радовалася еси, приснопамятная мученице Параскево, вопиющи: «Ничтоже мя разлучит от любве Твоея, Христе», и тако подвизаяся во Славу Божию, угодила еси Господу. Темже, поминающе честная твоя страдания, с умилением зовем ти:
Радуйся, агнице вседобляя, пастыреначальнику Христу принесшаяся, яко жертва благоуханная; радуйся, безсмертному Жениху Христу непорочное мучение твое, яко вено пречестное, представившая.
Радуйся, отроковице чистая, истинное исповедание веры православныя пред неверными явившая; радуйся, праведная обличительнице, неправду нечестиваго судии яве открывшая.
Радуйся, яко тобою посрамися лукавый враг, видящ себе от юной девы побежденна; радуйся, яко радуются о тебе и силы небесныя, видяще тя немощну и младу сущу, побеждающую лютых мучителей.
Радуйся, голубице чистая и непорочная сердцем; радуйся, смиренная агнице, благоуспешно честней и блаженней страсти Господней уподобльшаяся.
Радуйся, яко принеслася еси Зиждителю твоему, яко кадило благовонное; радуйся, яко зрит на тя пресветлое Солнце правды, тридневно возсиявшее от гроба и укрепившее тя к подвигу страдальческому.
Радуйся, яко за преславная твоя страдания сподобилася еси внити в чертог Христа, Царя Небеснаго; радуйся, яко тамо вкупе со святыми наслаждаешися неизреченною радостию.
Радуйся, Параскево, невесто Христова всехвальная.
Кондак 5
Б лагочестною звездою прешла еси в мире, страстотерпице славная Параскево, яко веру во Христа всем проповедающи. Страдания многа и люта мужески претерпевши, мучителя посрамила еси и ко Христу Господу, яко свету незаходимому, радостно востекла еси. Емуже предстоящи с лики праведных, выну вопиеши: Аллилуиа.
Икос 5
В идяще силы небесныя плотию страждущую Параскеву, Его силою крепящуюся, глаголаху: «Се, и девы на земли прославиша Господа!» Человецы же, трепетом одержими, ужасахуся и удивляющеся, песньми прославляху: «О чудесе! Дева врага победи и молится милостивому Владыке за спасение мира». Сего ради и мы, поминающе исполненное веры мужество твое, преславная мученице, ублажаем тя, глаголюще:
Радуйся, доблественная страстотерпице, в защиту веры православныя подвизавшаяся; радуйся, наветов вражиих мудрая разорительнице.
Радуйся, иконийскаго града учительнице; радуйся, идольския суетныя лести обличительнице.
Радуйся, верных смыслы вонями добродетелей твоих благовонствующая; радуйся, смрад страстный благодатию, свыше ти данною, отгоняющая.
Радуйся, еллинския кумиры, яко прах, уничижившая; радуйся, твоими подвиги, иже к Богу, тьмы начальника низложившая.
Радуйся, горняя, паче дольних, восхождения в сердце твоем положити возлюбившая; радуйся, Христу Господу, Человеколюбцу, всю себе предавшая.
Радуйся, подобне первомученице Фекле, мног народ словом Божиим просветившая; радуйся, неверных к Божественней вере приведшая.
Радуйся, Параскево, невесто Христова всехвальная.
Кондак 6
П роповедницу чудес и славы Божия явила еси себе, доблестная мученице Параскево, после преславнаго исцеления в темнице, от Христа Господа тебе дарованнаго. Емуже возсылая благодарственная моления, радостно мы вопием: Аллилуиа.
Икос 6
В озсияла еси, яко светозарная звезда, обагрившися каплями кровными, и Божественною благодатию отгнала еси безбожия тьму, мученице Параскево, просветивши верныя, чтущия твоя доблественныя подвиги. Темже восхваляюще тя, усердно вопием ти:
Радуйся, богомудрая дево, Христовых страстей общнице; радуйся, в темнице ти сущей, ангельскаго посещения сподобльшаяся.
Радуйся, в отраду болезней твоих орудия страстей Христовых созерцавшая; радуйся, Честный Крест и терновый венец нетленнаго Жениха твоего, Христа, узревшая.
Радуйся, язвы Господа на теле твоем носившая; радуйся, от всех язв Темже Господем чрез ангела исцеленная.
Радуйся, яко Тойже Господь даровал тебе крепость и премудрость, ейже не возмогоша противитися вси противляющиися истине; радуйся, от кровей твоих светлую себе ризу исткавшая.
Радуйся, яко тобою от многих ран грешнии исцеляются; радуйся, яко тобою от различных болезней с верою тя призывающии здравие приемлют.
Радуйся, уз греховных скорая решительнице; радуйся, о всех христианах пред престолом Божиим верная молитвеннице.
Радуйся, Параскево, невесто Христова всехвальная.
Кондак 7
Х отящу безумному мучителю игемону желание свое улучити и паки покушающуся ласкательными словесы тебе, святая мученице Параскево, от истиннаго Бога обратити к поклонению идолом; ты же, яко богомудрая дева, вразумляя его в суетстве идолов, рекла еси ему: «Покажи ми, игемоне, богов, ихже ты мниши исцеливших мя от ран», и по велению мучителя пришедши в храм идольский, помолилася еси единому истинному Богу, от Егоже Святаго имене вси идоли падоша и разсыпашася в прах, во уверение, яко един есть Бог, прославляемый во Святей Троице, Емуже вкупе со святыми ангелами выну вопиеши: Аллилуиа.
Икос 7
Н овую показа безчеловечия ярость зверообразный мучитель, егда тебе, святая мученице Параскево, повеле на древе повесити и свещами горящими опаляти твоя девическая ребра. Сие пачеестественное терпение твое благоговейно воспоминающе, похвалами блажим тя сицевыми:
Радуйся, многообразныя болезни за Царя Христа Бога претерпевшая; радуйся, яко пред лицем человеческим аще и муку прияла еси, упование же твое безсмертия исполнено есть.
Радуйся, яко повешена была еси на древе Христа ради, на Кресте распятаго, да венцем нетления от Него увязешися; радуйся, яко строгана была еси по ребром, Иисуса ради копием в ребро прободеннаго, да Царствием Его Небесным насладишися.
Радуйся, яко огнь любве к Богу в сердце твоем возжгла еси; радуйся, яко за Того свещами огненными палима была еси.
Радуйся, твердейшая адаманта в терпении твоем показавшаяся; радуйся, в вере во Христа Господа крепчае паче камене, в мужестве непоколебимом пребывшая.
Радуйся, яко огнем опаляема, огненною мудростию пламень угасила еси естественный; радуйся, яко свещу неугасиму душевную соблюдши, вошла еси со Христом Женихом твоим в чертог Небесный.
Радуйся, яко чудесными искрами страсти умертвивши, демонския полки страдальчески победила еси; радуйся, яко страданиями твоими мног народ к познанию истиннаго Бога привела еси.
Радуйся, Параскево, невесто Христова всехвальная.
Кондак 8
С транное и страшное святыя мученицы Параскевы страдание видяще, вернии удивляхуся зело: како млада отроковица сущи, в юностнем телеси таковыя мужественно за Христа терпит муки, слезнаго исполнишася умиления; невернии же трепетом одержими и чудесными искрами опаляеми от Ангела, бежаху; мы же, прославляюще дивнаго во святых Бога, вопием: Аллилуиа.
Икос 8
В есь Сладчайший Иисус сладость, весь желание тебе бысть, святая мученице Параскево: сладце бо Его ради горькия терпела еси муки, глаголющи к мучителю: «Враже нечестивый игемоне, что неистовствуеши на христианы: ни царства у тебе отъях, ни града твоего разорих, но буими словесы увещати мя помышляеши. Аз плоти моея не щажду за Христа моего, зане Он любит мя: к Нему пойду и Того буду невеста. Той мене спасет о рук враг моих и дарует ми жизнь вечную». Поминаюше сицевая твоя словеса и доблественныя подвиги твоего исповедничества, вопием ти:
Радуйся, злобы неверных не устрашившаяся; радуйся, твари паче Создавшаго не послужившая.
Радуйся, воеже сопротивлятися врагом Божиим, в духовное всеоружие благодати Божией облекшаяся; радуйся, идолом немым и глухим в капище идольском не поклонившаяся.
Радуйся, именем всесильнаго Господа и твоею к Нему молитвою вся идолы тамо сокрушившая; радуйся, демонов коварствия божественною силою упразднившая.
Радуйся, томления мучителей Крестом Господним, яко державным оружием, мужески победившая; радуйся, огненное опаление и жжение девственнаго телесе твоего в воню мира Христу Богу принесшая.
Радуйся, веру, надежду и любовь к Богу сохраншая; радуйся, победы венец от руки Христа Жизнодавца приемшая.
Радуйся, реко, исполненная благодати Божия водами; радуйся, источниче, кипящий чудес излиянии.
Радуйся, Параскево, невесто Христова всехвальная.
Кондак 9
В семи богокрасными лепотами добродетелей украсивши себе, прехвальная мученице Параскево, явилася еси тверда и непоколебима во исповедании веры Христовы. Сего ради ангельское естество велиею возрадовася радостию, узревши мужественную крепость твою и твердое твое упование. И мы слышавше, како посрамися лукавый враг, от девы побеждаемь, и како Сам Христос Бог достойно венчает тя мученицу, купно с тобою радостно вопием прославляющему тя Господу: Аллилуиа.
Икос 9
В итийствующий язык не возможет возсхвалити дела твоя и великия страдальческия твоя подвиги по достоянию, славная мученице Параскево: кто бо повесть страдания твоя и добродетели; на судищи бо исповедавши истиннаго Бога, от безчеловечных мучителей претерпела еси лютая, болезненная страдания; и в сих жестоких болезнех бывши палицами биема, железными ноготьми строгаема и огнем палима, ничтоже ино вещала еси к Создателю твоему, токмо сие: «Спаси мя, Господи, недостойную рабу, не разлучи мене, Христе, от Твоего желания!» Смиренно поминающе сицевая твоя страдания, умиленную песнь приносим ти, глаголюще:
Радуйся, кровию страдания твоего Христу Богу уневестившаяся; радуйся, страстем Христовым подражавшая.
Радуйся, любве ради Господни жестокия мучения претерпевшая; радуйся, от Небеснаго Царя благолепный венец восприявшая.
Радуйся, яко всем верным воспоминание твое пресладко; радуйся, яко всей Церкви Христовой имя твое пречестно.
Радуйся, досточудное ангелом и человеком зрелище бывшая; радуйся, и самых мучителей непобедимым терпением твоим удивившая.
Радуйся, яко Сам Господь свыше призре на твоя страдания; радуйся, яко Сам Той Подвигоположник похвали твоя подвиги.
Радуйся, девам доброто и похваление; радуйся, мучеником красото и верным утешение.
Радуйся, Параскево, невесто Христова всехвальная.
Кондак 10
С пасти хотя душу твою, о теле твоем всячески небрегла еси, святая мученице Параскево; егда бо на тя и мечное на смерть осуждение изыде от беззаконнаго мучителя, ты под меч острый, аки под венец красный, радостно потекла еси; и во главу усекновена бывши, душею твоею воспарила еси в чертог Жениха твоего Безсмертнаго, Христа Бога, Емуже выну на Небесех ныне воспеваеши: Аллилуиа.
Икос 10
С тена была еси крепка и непоколебима во исповедании веры в Триединаго Бога: сего ради многоболезненная страдания от мучителя претерпела еси, и добре скончавши течение твое, венец от Христа Бога прияла еси, и ангельских ликостояний на Небеси сподобилася еси. Темже поминаюше твоя, подвиги, ублажаем тя, многострадальная:
Радуйся, течение мученическаго пути добре скончавшая; радуйся, веру безсмертному Жениху Христу до смерти сохраншая.
Радуйся, в житии твоем богоугодными делы Господеви послужившая; радуйся, за любовь ко Христу Богу всю мирскую суету отвергшая.
Радуйся, силою свыше на брань противу сил преисподних препоясанная; радуйся, победоносною славою в вышних от Христа Победителя одеянная.
Радуйся, оружием благоволения Божия венчанная на земли; радуйся, цветом неувядаемым украшенная на Небеси.
Радуйся, христианом крепкое прибежище; радуйся, верным твердое заступление.
Радуйся, безпомощных защитительнице; радуйся, сирых покровительнице.
Радуйся, Параскево, невесто Христова всехвальная.
Кондак 11
П ение наше всякое побеждается, и многое множество хвалебных песней, восписуемых ти, несть довольно по достоянию восхвалити тя, прехвальная мученице Параскево; обаче молитвами твоими получающе от Христа Бога неисчетная благодеяния, благодарни суще, поем о тебе Ему: Аллилуиа.
Икос 11
В озсиявши нам, яко светило светозарное, мрак демонский от человек твоими мольбами отгоняеши, святая мученице Параскево, приемши бо благодать целити недуги, всем верным, притекающим к тебе с молитвою, подаеши исцеление: кровоточивии бо и прокаженнии прикосновением к раце мощей твоих очищаются, глусии слышат, разслабленнии здрави бывают призыванием святаго твоего имене. Мы же, поминающе скорое заступление твое, вопием ти:
Радуйся, благовонная смирно, Церковь Христову благоухающая; радуйся, благонадежная молитвеннице, фимиам молитвы о нас к Богу приносящая.
Радуйся, мироположнице исцелений неоскудная; радуйся, сокровище Божиих даров неиждиваемое.
Радуйся, чаше, от обилия дому Божия черплющая радость; радуйся, сосуде, от исполнения Христова приемлющий всех благ небесных сладость.
Радуйся, благодатную росу исцелений всем верным источающая; радуйся, скорбныя сердца недужных дарованием исцелений ободряющая.
Радуйся, яко Христос Бог за доблественная твоя страдания славу и велелепие на тя возложил есть; радуйся, яко тебе Царь царствующих и Господь господствующих блаженство Царствия Своего даровал есть.
Радуйся, Царствия Христова сонаследнице; радуйся, славы Божией сопричастнице.
Радуйся, Параскево, невесто Христова всехвальная.
Кондак 12
Б лагодать от Бога дана ти есть подавати исцеления всем требующим, яко от источника пребогатаго, хранити же и соблюдати от различных болезней, бед и скорбей всякаго человека, верою, любовию и благоговением честная твоя страдания воспоминающаго и почитающаго. Молитвеннаго твоего о нас предстательства и благодатных дарований не лиши и нас, многострадальная Христова страстотерпице; да и мы, здрави суще телом и духом, в нынешней и будущей жизни о тебе поем Богу: Аллилуиа.
Икос 12
П оем твоя крепкия подвиги, почитаем страдания, хвалим долготерпение, ублажаем святую твою кончину, славим твое в немощнем теле непобедимое мужество, имже на земли и на Небеси прославилася еси, святая и добропобедная мученице Параскево; и в честь твоих победоносных подвигов и страданий похвальная восписуем ти сия:
Радуйся, от ангельских чинов в сожительство их любезно приятая; радуйся, от девственных ликов в чертог небесный радостно введенная.
Радуйся, от мученических полков под венец славы провождаемая во гласе радования; радуйся, от небесных жителей приемлющая о Господе целование.
Радуйся, яко мзда твоя многа есть на Небесех; радуйся, яко радость твоя вечна есть во светлости святых.
Радуйся, в небесном чертозе Божественнаго Жениха твоего со ангелы Его веселящаяся; радуйся, лицезрением Всеблагаго Господа тамо вкупе со святыми наслаждающаяся.
Радуйся, душевных и телесных недугов наших целительнице; радуйся, душеспасительных благ и небесных даров подательнице.
Радуйся, яко тобою от нечаянныя смерти сохранитися уповаем; радуйся, яко твоим заступлением вечную жизнь от Христа Бога улучити благонадежно чаем.
Радуйся, Параскево, невесто Христова всехвальная.
Кондак 13
О святая премудрая и всехвальная мученице, невесто Христова Параскево! От благоговейных сердец приносимую ти, аще и недостойную, хвалебную песнь сию приими от нас, яко усердную жертву сердец, любящих тя и чествующих святую память твою. Охраняй нас молитвами твоими святыми, и вся люди, притекающия к честней иконе твоей и с любовию лобызающия ю, избавляй от всякаго злаго обстояния и скорби; да тихое и безмолвное житие поживше в нынешнем веце, блаженство вечное наследим и купно с тобою и всеми святыми выну сподобимся воспевати Богу: Аллилуиа.
Этот кондак читается трижды, затем икос 1-й: «Ангелом честную...» и кондак 1-й: «Избранной Богом от рода…».
Молитва
С вятая невесто Христова, многострадальная мученице Параскево! Вемы, яко от юности твоея ты всею душею твоею и всем сердцем твоим возлюбила еси Царя Славы, Христа Спасителя, и Ему единому уневестилася еси, раздавши имения твоя неимущим и бедным. Ты силою благочестия твоего, твоим целомудрием и праведностию, яко лучами солнечными, просияла еси, живши свято среди неверных и безбоязненно проповедавши им Христа Бога. Ты, от дней юности твоея, наученная твоими родителями, всегда благоговейно чествовала дни искупительных страстей Господа нашего Иисуса Христа, Егоже ради и сама добровольно пострадала еси. Ты, десницею Ангела Божия от неисцельных ран дивно исцеленная и восприявшая неизреченную светлость, изумила еси неверных мучителей. Ты, именем Господа нашего Иисуса Христа и силою молитвы твоею в капище языческом всех идолов долу повергши, в прах сокрушила еси я. Ты, опаляемая свещами, единою молитвою твоею ко всесильному Господу угасила еси огнь естественный, и тем же пламенем, чудесне возжженным чрез Ангела Божия, попаливши неистовых беззаконников, мног народ привела еси к познанию истиннаго Бога. Ты, во славу Господа приявши мечное главы твоея усечение от мучителей, доблественно скончала еси страдальческий твой подвиг, возшедши душею твоею на Небеса, в чертог вожделеннаго твоего Жениха Христа Царя Славы, радостно сретшаго тя сим небесным гласом: «Радуйтеся, праведнии, яко мученица Параскева увенчася!» Темже и мы днесь приветствуем тя, многострадальная, и, взирающе на святую твою икону, с умилением вопием ти: всечестная Параскево! Вемы, яко велие имаши дерзновение ко Господу: умоли убо Его, Человеколюбца, и о нас предстоящих и молящихся ти. Да подаст Он и нам, якоже тебе, терпение и благодушие в бедах и скорбных обстояниях; да дарует Он, ходатайством твоим и заступлением, радостное, благоденственное и мирное житие, здравие же и спасение, и во всем благое поспешение возлюбленному нашему отечеству да ниспослет святое Свое благословение и мир, и всем православным христианом да подаст твоими святыми молитвами утверждение в вере, благочестии и святости, преспеяние же в христианской любви и всякой добродетели; да очистит нас грешных от всякия скверны и порока; да оградит нас святыми Своими ангелами, да заступит, сохранит и помилует всех святою Своею благодатию и соделает наследниками и причастниками Небеснаго Своего Царствия. И тако улучивше спасение твоими святыми молитвами, предстательством и заступлением, всеславная невесто Христова Параскево, прославим все пречестное и великолепое имя дивнаго во святых Своих истиннаго Бога, Отца, и Сына, и Святаго Духа, всегда, ныне и присно, и во веки веков. Аминь.
Тропарь, глас 4
П ремудрая и всехвальная Христова мученица Параскева, мужескую крепость приимши, женскую же немощь отвергши, диавола победи и мучителя посрами, вопиющи и глаголющи: приидите, тело мое мечем ссецыте и огнем сожгите, аз бо, радующися, иду ко Христу, Жениху моему. Тоя молитвами, Христе Боже, спаси души наша.
Кондак, глас 3
В сесвятое и непорочное мучение принесши, яко вено пречестное, безсмертному Жениху Христу, Ангельское ликостояние возвеселила еси и победила еси демонския козни. Сего ради тя честно верою чтим, мученице Параскево многострадальная.
Акафистом называют хвалебное песнопение в честь Спасителя, Божией Матери, святых или каких либо праздников (событий).
Любой акафист состоит из 25 песен (в соответствии с греческим алфавитом). Тринадцать из них называются кондаками (хвалебная песнь), а двенадцать - икосами (пространная песнь), которые дают объяснение сущности праздничного события. Именно из-за этого икос никогда не читают самостоятельно, а только после чтения кондака. Все икосы, за редким исключением, заканчиваются словом «радуйся», а в завершении кондаков всегда можно услышать «аллилуйя», что означает «хвалите Бога». После чтения кондака всегда идет икос, который, как правило, разделен на две части. Последний кондак считается обращением к тому, кому посвящен акафист. По традиции он повторяется три раза подряд. После акафиста всегда следует чтение молитвы.
Акафисты не являются уставным, обязательным Богослужебным чином. На богослужениях в храмах обязательно читается только Акафист Пресвятой Богородице "Взбранной Воеводе..." в Субботу Похвалы Пресвятой Богородицы, на пятой седмице Великого Поста. В современной практике Великим постом так же употребляется Акафист Страстем Господним в чинопоследовании Пассии, которая служится в Воскресенье вечером во 2-5 седмицы Великого Поста.
Акафисты в честь праздников иногда читают на Утрени праздничного богослужения или на Молебне в самый день праздника. Вообще на молебнах часто прибегают к чтению акафистов. Так сложился порядок чтения Параклисиса Божией Матери, где на молебне после шестой песни канона читают акафист Божией Матери (или ее иконам).
Призывая в помощь в житейских нуждах святых угодников Божиих читают акафисты им, иконам Божией Матери.
Нет особых указаний в Уставе на чтение акафистов в храме и при келейной (домашней) молитвы. Но из общецерковной практики можно вывести правило: в период Великого Поста не принято читать акафисты , кроме Акафиста Божией Матери на 5 седмице (в субботу) и акафиста Страстем Христовым. Во все другие дни года чтение акафистов разрешено.
Сам же акафист имеет особую последовательность. Так 13 кондак читается трижды, а сразу после него вновь повторяется первый икос, после которого читается первый кондак. По окончании акафиста читается молитва.
Какие акафисты читать в житейских нуждах
(на всякую потребу)
Акафисты иконам Божией Матери
- Акафист Пресвятой Богородице в честь иконы Ея «Всецарица»
Чудесная помощь Пресвятой Богородицы, подаваемая верующим от этой иконы, проявляется в исцелении от раковых болезней, в избавлении от пристрастия к оккультизму, в помощи родителям за своих чад, ушедших из дома и оказавшихся в плену наркомании и многих других прельщений нашего времени - Акафист Пресвятой Богородице перед Ея иконой, именуемой «Воспитание»
Название свое чудотворный образ получил от того, что благодатная помощь Пречистой Богородицы особенно часто изливалась на родителей, молящихся пред ним и печалующихся о судьбе своих чад - Акафист Пресвятой Богородице в честь иконы Ея «Млекопитательница»
О помощи в родах и воспитании младенцев - Акафист Пресвятой Богородице в честь иконы Ея «Неопалимая Купина»
Имеет особую благодать защищать от огня и пожара, а также помогать невинно обвиненным и покровительствовать семейному благополучию - Акафист Пресвятой Богородице в честь иконы Ея «Неупиваемая Чаша»
Через чудотворную икону сию Пресвятая Богородица являет особую помощь в избавлении от недуга пьянства, курения и наркомании всем с верою прибегающим к Ее помощи - Акафист Пресвятой Богородице в честь иконы Ея «Казанская»
Имеет особую благодать помогать в победе над врагом, покровительствует христианским бракам, исцеляет различные недуги, в особенности глазные болезни - Акафист Покрову Пресвятой Богородицы
Икона Покрова Пресвятой Богородицы изображает событие, бывшее в конце X века в Константинополе. Блаженный Андрей, Христа ради юродивый, молясь во Влахернской церкви с учеником Епифанием, удостоились видения Божией Матери с собором ангелов и святых. Пречистая распростирала над миром Свой омофор и покрывала им всех верных христиан. Икона и праздник Покрова особенно почитаются на Руси. Многие старцы советовали христианам последних времен особенно усердно призывать Покров Божией Матери для избавления от искушений и сетей антихристовых - Акафист Пресвятой Богородице в честь иконы Ея «Скоропослушница»
Икона находится на Афонской горе. Через этот образ Пресвятая Богородица множество раз подавала мгновенное исцеление от различных недугов - Акафист Пресвятой Богородице в честь иконы Ея «Утоли моя печали»
На иконе Божия Матерь будто прислушивается к молитвам верующих, прибегающих к Ней в своих нуждах, скорбях и печалях. Образ известен с XVII в., находился в одном из подмосковных храмов. Летописи хранят множество случаев чудесной помощи людям, совершившихся от иконы «Утоли моя печали» - Акафист Пресвятой Богородице в честь иконы Ея «Умягчение злых сердец»
Читается на умягчение злых сердец и у миротворение враждующих. Число семь в данном случае означает полноту того горя, печали и болезни сердечной, которые были перенесены Пресвятой Богородицей в Ее земной жизни - Акафист Пресвятой Богородице в честь иконы Ея «Целительница»
Образ происходит из Грузии и получил свое название от чудесного исцеления, поданного тяжело больному при явлении ему Пресвятой Богородицы. Пред иконой «Целительница» молятся об исцелении от различных недугов
Акафисты святым
- Акафист всем святым, от века Богу Благоугодившим
Все они являются нашими заступниками перед Богом во всякой скорби и нужде - Акафист святому Архангелу Михаилу
Архистратиг Михаил (в пер. с евр. - «кто как Бог») поставлен Господом над всеми девятью Ангельскими чинами. С древних времен прославлен он на Руси. Пресвятая Богородица и Архангел Михаил - особые предстатели за русские города. Крепка вера православных христиан в помощь Архангела Михаила во всех бедах, скорбях, нуждах. Архангелу Михаилу молятся при входе в новый дом - Акафист святому Ангелу Хранителю
Каждому христианину Бог дает Ангела Хранителя, который невидимо охраняет человека всю его земную жизнь от бед и напастей, предостерегает от грехов, оберегает в час смерти. Ангел хранитель - скорый помощник в любой нужде и болезни - Акафист святому Предтече Господню Иоанну
Как проповеднику покаяния, ему молятся о даровании чувства покаяния. На Руси святому молились о покровительстве посевов и плодородии, при освящении пчельника - Акафист святому благоверному великому князю Александру Невскому, в иноках Алексию
Святой благоверный князь Александр, прозванный за победу над шведами Невским, положил все силы на священное дело защиты земли Русской. Ему молятся во время бедствия и нашествия врагов или о защите от нашествия иноплеменников и иноверных - Акафист святому мученику Вонифатию
Святому мученику Вонифатию молятся об избавлении от недуга пьянства и чревоугодия - Акафист святым мученикам Гурию, Самону и Авиву
Святым мученикам молятся о покровительстве семейного очага, о добрых отношениях в семье - Акафист святому великомученику Георгию Победоносцу
Егорий Храбрый, как простонародно называют этого святого, - покровитель Русской земли, государственности и военной мощи, семьи, детей, помощник в скорби и напасти. Особо ему молятся об опасности нападения диких зверей. Святой вмч. Георгий - защитник стад, домашнего скота - Акафист святому благоверному великому князю Даниилу, московскому чудотворцу
Нестяжанием, любовью и братолюбием он возвысил Москву, положил начало объединению Руси в единую мощную державу. Многие, прибегающие в молитвах к святому князю Даниилу, получают и помощь в разных нуждах - Акафист святому пророку Божию Илии
Об этом угоднике сказано: «Помолися, и небо и дождь и даде». Ему молятся также о помощи во время голода, в тяжких жизненных и материальных обстоятельствах - Акафист святому Праведному Иоанну Кронштадскому
В детстве святому прав. Иоанну плохо давалась грамота, и после горячей молитвы словно пелена спала с глаз мальчика, и он начал читать. Среди прочих молитв к великому чудотворцу, ему возносят молитвы о помощи детям в учебе - Акафист святому чудотворцу Иоанну Воину
Святой Иоанн Воин, посланный преследовать и убивать христиан, оказал большую помощь гонимым. Всю свою жизнь он посвятил служению ближним. Воин-мученик изобличал в краже воров. Ему молятся об отыскании украденного, от воровства, от обидчиков - Акафист святой блаженной Ксении Петербургской
Блаженная Ксения - скорая помощница в житейских нуждах, в семейных делах. По молитвам блаженной избавляются от болезней, скорбей, нестроений и бед - Акафист Святителю Николаю
Святитель Николай, один из самых почитаемых на Руси святых, прославлен от Бога даром чудотворений, исцелений. Ему молятся о помощи в разных бедах, в нужде, устроении судьбы детей, о благополучии в пути по суше и по морю - Акафист Святителю Спиридону, епископу Тримифунтскому
Ко многим его чудесам относятся чудеса исцеления больных, помощи страждущим. Еще при жизни святой прославился кротостью, добротой, странноприимством и трудолюбием. На Руси святитель Спиридон почитался наравне со святителем Николаем - Акафист преподобному и богоносному отцу нашему Серафиму, Саровскому чудотворцу
Великий наставник, утешитель и целитель, преподобный Серафим - скорый помощник всем, притекающим к его помощи - Акафист преподобному отцу нашему Сергию, Радонежскому чудотворцу
В детстве преподобному Сергию трудно давалось учение, но после горячей молитвы Бог послал ему Ангела в виде старца, который благословил отрока. Преподобному Сергию молятся о детях, которым трудно дается учеба. К молитвам преподобного прибегают для стяжания смирения, избавления от гордыни - Акафист святому великомученику и целителю Пантелеймону
Всю жизнь он посвятил страждущим, больным и убогим. Он «безмездно лечил всех», обращавшихся к нему, исцеляя раны, врачуя все болезни - Акафист святому страстотерпцу Царю-мученику Николаю
Небесный заступник Отечества нашего, имеет особую благодать исцелять различные недуги - Акафист святителю Луке (Войно-Ясенецкому), исповеднику, архиепископу Крымскому
Святителю Луке молятся об избавлении от всякой немощи и болезни - Акафист святой Великомученице Анастасии Узорешительнице
Великомученице Анастасии Узорешительнице молятся об исцелении разных недугов и об освобождении из плена и заточения - Акафист святым мученикам Киприану и Устинии
Молятся о прогнании лукавых духов от людей и животных, против вреда со стороны экстрасенсов, колдунов, волшебников, злых людей - Акафист святым Первоверховным Апостолам Петру и Павлу
Великим учителям Православия молятся об умножении веры. Святому апостолу Петру молятся об исцелении - Спаситель исцелил тещу апостола, «лежащу и огнем жегому». Апостолу Петру молятся также о благополучной ловле рыбы, об успехах в рыболовстве - Акафист преподобной Матроне Московской
Святой Матронушке молятся о помощи в многоразличных житейских обстояниях и об исцелении в болезнях - Акафист мученицам Вере, Надежде, Любови и матери их Софии
Святым мученицам Вере, Надежде, Любови и матери их Софии молятся в скорбях и напастях, о непоколебимости в вере - Акафист Святителю Митрофану, Воронежскому Чудотворцу
Святителю особо молятся о жизненном устройстве детей - Акафист святой Великомученице Варваре
Святая просила Господа, чтобы каждый перед своей кончиной покаялся и причастился. По молитвам святой вмц. Варвары посылаются обильные врачевания. Святой молятся также о детях, о помощи в унынии, грусти, утешении в печали - Акафист святой Великомученице Екатерине
На Руси святой вмч. Екатерине особенно молились девушки - чтобы попался хороший жених. К помощи святой прибегали и при трудных родах - Акафист святым праведным Богоотцем Иоакиму и Анне
Эти святые до самой старости несли горькое неплодство, потом по благословению Божию родили Пресвятую Богородицу. Им молятся в супружеском неплодстве или бесчадии. С давних пор на Руси этим святым молились перед началом сева, о покровительстве посевов, плодов, урожая
Чтение акафистов в течении седмицы
Службе каждого дня недели соответствует воспоминание того или иного события или святого. В соответствии с этим правилом появилась практика читать акафисты в течении недели, подражая богослужебному седмичному кругу:
День недели | Воспоминаемое событие | Традиция чтения |
---|---|---|
Воскресенье | (воспоминание Светлого Христова Воскресения) | Акафист Воскресению Христову |
Понедельник | (Памяти честных Небесных Сил Бесплотных) | Акафист Архистратигу Михаилу Акафист Ангелу Хранителю |
Вторник | (В память пророка, Предтечи и Крестителя Господня Иоанна) | Акафист Иоанну Предтече |
Среда | (Воспоминание Страстей Спасителя и память Пресвятой Богородицы) | Акафист Иисусу Сладчайшему Акафист Пресвятой Богородице |
Четверг | (Святых апостолов и святителя Николая Чудотворца) | Акафист апостолам Петру и Павлу Акафист святителю Николаю |
Пятница | (Воспоминание Крестных Страданий Спасителя и Креста Господня) | Акафист Страстем Господним Акафист Честному и Животворяшему Кресту Господню |
Суббота | (Всех святых и поминовение усопших) | Акафист всем святым от века Богу благоугодившим Акафист Пресвятой Богородице Акафист о усопших |
Порядок чтения акафистов.
Чтение акафистов отдельно от утреннего и вечернего молитвенного правила.
Молитвами святых отец наших, Господи Иисусе Христе, Сыне Божий, помилуй нас. Аминь.
Святый Боже, Святый Крепкий, Святый Безсмертный, помилуй нас (трижды, с крестным знамением и поясными поклонами) .
Пресвятая Троице, помилуй нас. Господи, очисти грехи наша. Владыко, прости беззакония наша. Святый, посети и исцели немощи наша, имене Твоего ради.
Господи, помилуй (трижды) .
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех. Да святится имя Твое. Да приидет царствие Твое. Да будет воля Твоя, яко на Небеси и на земли. Хлеб наш насущный даждь нам днесь. И остави нам долги наша, яко же и мы оставляем должником нашим, и не введи нас во искушение, но избави нас от лукаваго.
Господи, помилуй (12 раз) .
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу (поклон) .
Приидите, поклонимся и припадем Христу Цареви нашему Богу (поклон) .
Приидите, поклонимся и припадем к Самому Христу, Цареви и Богу нашему (поклон) .
Псалом 50.
Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя. Яко беззакония моя аз знаю и грех мой предо мною есть выну. Тебе Единому согреших, и лукавая пред Тобою сотворих, яко да оправдишися во словесех Твоих и победиши, внегда судити Ти. Се бо, в беззакониих зачат есмь, и во гресех роди мя мати моя. Се бо, истину возлюбил еси, безвестная и тайная премудрости Твоея явил ми еси. Окропиши мя иссопом, и очищуся, омыеши мя, и паче снега убелюся. Слуху моему даси радость и веселие, возрадуются кости смиренныя. Отврати лице Твое от грех моих, и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего, и Духа Твоего Святаго не отыми от мене. Воздаждь ми радость спасения Твоего, и Духом Владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже спасения моего, возрадуется язык мой правде Твой. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо, всесожжения не благоволиши. Жертва Богу дух сокрушен, сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая, тогда возложат на олтарь Твой тельцы.
Символ веры
Верую во Единаго Бога Отца, Вседержителя, Творца небу и земли, видимым же всем и невидимым. И во Единаго Господа Иисуса Христа, Сына Божия, Единороднаго, Иже от Отца рожденнаго прежде всех век; Света от Света, Бога истинна от Бога истинна, рожденна, несотворенна, единосущна Отцу, Имже вся быша. Нас ради человек и нашего ради спасения сшедшаго с небес и воплотившагося от Духа Свята и Марии Девы и вочеловечшася. Распятаго же за ны при Понтийстем Пилате, и страдавша, и погребенна. И воскресшаго в третий день по Писанием. И восшедшаго на небеса, и седяща одесную Отца. И паки грядущаго со славою судити живым и мертвым, Егоже Царствию не будет конца. И в Духа Святаго, Господа, Животворящего, Иже от Отца исходящаго, Иже со Отцем и Сыном спокланяема и сславима, глаголавшаго пророки. Во едину Святую, Соборную и Апостольскую Церковь. Исповедую едино крещение во оставление грехов. Чаю воскресения мертвых, и жизни будущаго века. Аминь.
Затем акафист (читается после 6-й песни канона).
По завершении чтения канона – молитва ко Господу Иисусу Христу или Божией Матери, святому – соответственно смыслу акафиста. Затем:
Достойно есть, яко воистинну блажити Тя Богородицу, Присноблаженную и Пренепорочную и Матерь Бога Нашего. Честнейшую Херувим и Славнейшую без сравнения Серафим, без истления Бога Слова рождшую, сущую Богородицу, Тя величаем.
Слава Отцу и Сыну и Святому Духу, и ныне и присно и во веки веков. Аминь.
Господи, помилуй (трижды) .
Го́споди Иису́се Христе́, Сы́не Бо́жий, моли́тв ра́ди Пречи́стыя Твоея́ Ма́тере, преподо́бных и богоно́сных оте́ц на́ших, святаго (имя святого, которому читался акафист, если Господу или Богородице, то ничего не произносим) и всех святы́х, поми́луй и спаси́ мя, гре́шнаго, я́ко Благ и Человеколю́бец. Аминь .
Если Кресту — силою Честнаго и Животворящего Креста
Если Ангелам — Честных Небесных Сил Бесплотных
Одной из славных исповедниц Христовых была святая великомученица Параскева. Своим мученическим подвигом она свидетельствовала о Кресте Господнем, на котором Христос за нас, грешных принес Себя в жертву. Даже само ее имя - Параскева - стало живым напоминанием о пятнице - дне искупительных страданий Спасителя. Благочестием, целомудрием и праведностью она, как лучами солнечными, просияла среди неверных, безбоязненно проповедуя им Истинного Бога.
Святая Параскева родилась в годы царствования императора Диоклетиана в городе Иконий в семье богатого сенатора. Ее родители были христианами: они жили в страхе Божьем, строго соблюдая заповеди Господни. Супруги особо почитали пятницу и проводили этот день в посте и молитве, щедро подавая милостыню. За это Бог послал им в день пятницы дочь, которую они нарекли Параскевой.
Родители воспитывали Параскеву в благочестии и чистоте. Благословенная чета отошла ко Господу, когда девушка была еще весьма юной. С детства Параскева всем сердцем возлюбила Царя славы, Христа, подражая в вере и в делах своим родителям. Она строго исполняла заповеди Господни, всегда благоговейно чтила пятницу и принимала странников в своем доме. Блаженная Параскева щедро тратила свое значительное состояние, унаследованное от родителей. не на украшения и роскошную жизнь, а на пропитание и одежду для бедных.
Девушка отличалась редкой красотой, но не обращала никакого внимания на юношей, домогавшихся ее руки: она уневестилась Бессмертному Жениху, для Которого жила в святости и праведности. Параскева непрестанно исповедывала перед народом Господа Иисуса Христа. Всем, кто приносил жертвы языческим богам, она говорила:
- Ваши боги - бесчувственные и глухие идолы.
Часть горожан, слушая Параскеву, уверовала во Христа, однако многие с негодованием ополчились против нее, напали на исповедницу и ранили ее. Но Параскева продолжала смело проповедовать слово Божье и учить истинному пути.
Когда император Диоклетиан начал жестокое гонение на христиан, он повелел правителю Ликаонии Аэтию в подвластных ему городах преследованиями и мучениями истребить христианскую веру. Аэтий отправился в Иконий. Горожане торжественно встретили своего правителя. Они повели его в храм принести жертву идолам и воздать хвалу императорам.
Утром следующего дня эпарх Аэтий воссел на трибунале. Он приказал прочесть императорский указ о гонении на христиан. Язычники слушали глашатая и радостно восклицали:
- Достойно повеление и праведен суд самодержца!
Тогда правитель произнес:
- Будьте друзьями императора и выдайте нам всех так называемых христиан, которые не хотят приносить жертву богам.
- Светлейший правитель, - ответили ему старейшины, - в нашем городе живет дочь сенатора. Эта девушка исповедует Распятого Христа. Она отвратила немало людей от наших богов и хулит самодержца. Как только до нас дошел слух о твоем приезде в Иконий для искоренения христианской веры, мы посадили ее в темницу.
Эпарх приказал привести девушку. Когда воины вели Параскеву к Аэтию, Святой Дух осенил блаженную исповедницу. Ее лицо стало светлым, и люди с удивлением говорили друг другу:
- Посмотрите! Девица не боится суда грозного правителя. Она не удручена печалью, а сияет от радости.
- Таков род христианский: он стремится к смерти больше, чем к жизни, - произнес один из жрецов.
Параскева предстал перед эпархом. Аэтий посмотрел на нее, удивился ее красоте и сказал старейшинам:
- Не клевещите ли вы на эту девицу? Нельзя губить такую солнечную красоту.
Затем Аэтий спросил Параскеву:
- Как твое имя, девица?
- Я христианка, раба Истинного Бога, - ответила Параскева.
- Созерцание красоты твоего лица склоняет меня к кротости, - произнес эпарх, - а исходящие из твоих уст слова возмущают до глубины души!
- Справедливый судья рад услышать правду, - возразила Параскева. - Ты же, узнав правду, разгневался.
- Я спросил твое имя и не услышал ответа, поэтому и гневаюсь, - лукаво сказал Аэтий.
- Прежде всего, я назвала свое имя в вечной жизни - христианка. Мое имя в жизни временной, земной - Параскева. Я родилась в пятницу. Именно в честь этого дня меня назвали Параскевой - Пятницей. Мои родители всегда с великим страхом и любовью почитали пятницу и проводили ее в посте и молитвах.
- Как можно одновременно испытывать страх и любовь? - спросил правитель.
- Пятница - день страданий и смерти Господа нашего Иисуса Христа за род человеческий. Страдания Христа вызывают благоговейный страх, а его искупительная жертва вселяет в наши сердца любовь. Христос пострадал за нас, и я ради него готова умереть, - ответила Параскева.
- Перестань говорить как безумная! Принеси жертву богам, и тогда за твою красоту я возьму тебя в жены. Ты станешь обладательницей большого богатства. Многие будут тебя величать и ублажать, - предложил эпарх.
- У меня есть на небе Жених - Христос, - ответила святая Параскева, - и в ином муже я не нуждаюсь.
- Опомнись, Параскева, и откажись от Христа! Я не хочу отдавать тебя палачу для мучений, ибо очень ценю твою юность и красоту, - воскликнул правитель.
Акафист святой великомученице Параскеве Пятнице
Кондак 1
Избранной Богом от рода благороднаго, иконийскаго града, премудрой и всехвальной невесте Христове, яко избавляемии тобою от искушений и бед, благодарственная пения и хваления восписуем ти молитвенницы твои, святая и многострадальная мученице Параскево. Ты же, имея дерзновение ко Господу, от всяких нас бед свободи, да со умилением и радостию зовем ти:
Икос 1
Ангелом честную и вселюбезную чистоту твоего сердца, многострадальная Параскево, непорочно сохранши, ангелом собеседница быти сподобилася еси. С нимиже воспевая Трисвятую песнь Богу на небеси, услыши и нас, верою и любовию чтущих тя и вопиющих ти хваления сия на земли:
Радуйся, отроковице, Богом Отцем представленная быти сообразной в страдании образу Сына Его;
Радуйся, и Сыном Божиим укрепленная на подвиги страдальческия.
Радуйся, истинную веру в Животворящую и Единосущную Троицу свято соблюдшая;
Радуйся, святое целомудрие и девственную непорочность добре сохраншая.
Радуйся, яко радостно уневестилася еси безсмертному Небесному Жениху, Христу;
Радуйся, земнаго обручника паче Небеснаго знати не восхотевшая.
Радуйся, яко цвет чистоты, в неувядаемой славе цветущая;
Радуйся, яко крин, вонями твоих добродетелей нам благоухающая.
Радуйся, в Небесном вертограде неизреченною радостию наслаждающаяся;
Радуйся, краснейшаго паче сынов человеческих зрением тамо утешающаяся.
Радуйся, убелившая ризы твоея в крови Агнчей на земли;
Радуйся, в лике девственниц предстоящая Божиему Агнцу на небеси.
Радуйся, Параскево, невесто Христова всехвальная.
Кондак 2
Видевше благолепие лица твоего, святая мученице Параскево, людие удивляхуся, взирающе на тя, не у ведяще красоты души твоея. Мы же, поминающе светлейшия паче солнца добродетели твоя, поим Господеви, даровавшему тебе благодать Свою: Аллилуйя.
Икос 2
Мудрости вместилище паче ума мирских мудрецев явилася еси, отроковице непорочная, измлада уклонившися от любве к миру и отвергшися всего яже в мире, всею полнотою любве твоея возлюбила еси Небеснаго Жениха Христа, Царя Славы, Емуже, яко верная раба, в житии твоем апостольски послужила еси, живши свято среди неверных и безбоязненно проповедавши им Христа Бога. Таковому твоему разуму дивящеся, сия похвалы тебе восписуем:
Радуйся, премудрая Евангельская дево, во свете веры и дел благих ходившая;
Радуйся, Христа Господа, Божию силу и Божию премудрость паче всего возлюбившая.
Радуйся, паче мудрецев мира сего мудрейшая;
Радуйся, паче старец идолослужительных разумевшая.
Радуйся, неверных светом веры просвещающая;
Радуйся, чад Церкве Христовы в вере утверждающая.
Радуйся, любовию твоею ко Христу ангельская ликостояния возвеселяющая;
Радуйся, демонския лукавствия оружием креста Господня отгоняющая.
Радуйся, в проповедании веры богоглаголивая уста апостолькая;
Радуйся, дев христианских украшение.
Радуйся, верная ко Христу Богу молитвеннице о нашем спасении;
Радуйся, всех скорбящих крепкое заступление и ограждение.
Радуйся, Параскево, невесто Христова всехвальная.
Кондак 3
Силою Христовою соблюдаема, всеславная мученице Параскево, о болезнех телесных небрегла еси, подвигом добрым подвизатися хотящи. Мужеским смыслом вооружившися, слабость женскую отвергла еси, упованием же укрепившися, радостно предстала еси на судище, идеже ясно веру в Троицу Божественную проповедала еси, Богу вопиющи: Аллилуйя.
Икос 3
Слышав от тебе, мудрая дщерь, неправедный судия неслыханная словеса о твоем рождении, яко благочестивии родители твои, страсти Христовы почитающе, знаменитаго дне тезоимениту тя нарекоша, Параскевою, в предзнаменование, яко Христовых страстей имаши быти причастницею. Не разуме же сего нечестивый игемон, но вещаше ти безстудная словеса и повеле бити тя суровыми жилами и полумертву тя сущу ввергнути в темницу. Ты же доблественне претерпевши жесточайшия муки, в темнице, аки в чертозе светле ликующи, вопияла еси: "Никогда не отлучуся Тебе, Господи, но посли ми помощь Твою и спаси мя великия ради Твоея милости". Темже, ублажающе тя, вопием ти таковая:
Радуйся, незлобивая голубице, от искушений лукаваго врага свободившаяся;
Радуйся, словесная агнице, от злаго волка мучителя к доброму пастырю Христу Богу прибегшая.
Радуйся, во двор словесных овец, одесную Его стоящих, вшедшая;
Радуйся, на брак Агнчий радостно текущая.
Радуйся, яко тебе уготовано есть благо вечных сокровище;
Радуйся, яко тебе обетовано есть блаженство Царства Небеснаго.
Радуйся, премудрая Евангельская дево, светлогорящий светильник имущая;
Радуйся, дерзновение велие ко Христу Богу стяжавшая.
Радуйся, волею своею благое иго Христово на ся подъявшая;
Радуйся, сердце свое от всякия лести душевредныя чисто сохраншая.
Радуйся, истинная Христовых страстей причастнице;
Радуйся, во страданиях твоих благодатную помощь от Христа Господа получившая.
Радуйся, Параскево, невесто Христова всехвальная.
Кондак 4
Бурю тяжких искушений воздвигоша врази противу тебе, многострадальная Параскево; ты же от твоих кровей трудолюбно чашу страданий испила еси, желающи по Христе, Женисе твоем, во след потещи, прехвальная мученице, и яко ластовица доброгласная, песнь воспевала еси Христу Богу: Аллилуйя.
Икос 4
Имея всегда пред очами своими Господа, за исповедание веры палицами немилостивно от мучителей биема, радовалася еси, приснопамятная мученице Параскево, вопиющи: "Ничто же мя разлучит от любве Твоея, Христе", и тако подвизаяся во Славу Божию, угодила еси Господу. Темже, поминающе честная твоя страдания, с умилением зовем ти:
Радуйся, агнице вседобляя, пастыреначальнику Христу принесшаяся, яко жертва благоуханная;
Радуйся, безсмертному Жениху Христу непорочное мучение твое, яко вено пречестное, представившая.
Радуйся, отроковице чистая, истинное исповедание веры православныя пред неверными явившая;
Радуйся, праведная обличительнице, неправду нечестиваго судии яве открывшая.
Радуйся, яко тобою посрамися лукавый враг, видящь себе от юной девы побежденна;
Радуйся, яко радуются о тебе и силы небесныя, видяще тя немощну и младу сущу, побеждающую лютых мучителей.
Радуйся, голубице чистая и непорочная сердцем;
Радуйся, смиренная агнице, благоуспешно честней и блаженней страсти Господней уподобльшаяся.
Радуйся, яко принеслася еси Зиждителю твоему, яко кадило благовонное;
Радуйся, яко зрит на тя пресветлое Солнце правды, тридневно возсиявшее от гроба и укрепившее тя к подвигу страдальческому.
Радуйся, яко за преславная твоя страдания сподобилася еси внити в чертог Христа Царя Небеснаго;
Радуйся, яко тамо вкупе со святыми наслаждаешися неизреченною радостию.
Радуйся, Параскево, невесто Христова всехвальная.
Кондак 5
Благочестною звездою прешла еси в мире, страстотерпице славная Параскево, яко веру во Христа всем проповедающи. Страдания многа и люта мужески претерпевши, мучителя посрамила еси и ко Христу Господу, яко свету незаходимому, радостно востекла еси. Емуже предстоящи с лики праведных, выну вопиеши: Аллилуйя.
Икос 5
Видяще силы небесныя плотию страждущую Параскеву, Его силою крепящуюся, глаголаху: "Се, и девы на земли прославиша Господа!" Человецы же, трепетом одержими, ужасахуся, и удивляющеся, песньми прославляху: "О чудесе! Дева врага победи и молится милостивому Владыке за спасение мира". Сего ради и мы, поминающе исполненное веры мужество твое, преславная мученице, ублажаем тя, глаголюще:
Радуйся, доблественная страстотерпице, в защиту веры православныя подвизавшаяся;
Радуйся, наветов вражиих мудрая разорительнице.
Радуйся, иконийскаго града учительнице;
Радуйся, идольския суетныя лести обличительнице.
Радуйся, верных смыслы вонями добродетелей твоих благовонствующая;
Радуйся, смрад страстный благодатию, свыше ти данною, отгоняющая.
Радуйся, еллинския кумиры, яко прах, уничижившая;
Радуйся, твоими подвиги, иже к Богу, тьмы начальника низложившая.
Радуйся, горняя, паче дольних, восхождения в сердце твоем положити возлюбившая;
Радуйся, Христу Господу, человеколюбцу, всю себе предавшая.
Радуйся, подобне первомученице Фекле, мног народ словом Божиим просветившая;
Радуйся, неверных к Божественней вере приведшая.
Радуйся, Параскево, невесто Христова всехвальная.
Кондак 6
Проповедницу чудес и славы Божия явила еси себе, доблестная мученице Параскево, после преславнаго исцеления в темнице, от Христа Господа дарованнаго. Емуже возсылая благодарственная моления, радостно мы вопием: Аллилуйя.
Икос 6
Возсияла еси, яко светозарная звезда, обагрившися каплями кровными, и Божественною благодатию отгнала еси безбожия тьму, мученице Параскево, просветивши верныя, чтущия твоя доблественныя подвиги. Темже восхваляюще тя, усердно вопием ти:
Радуйся, богомудрая дево, Христовых страстей общнице;
Радуйся, в темнице ти сущей, ангельскаго посещения сподобльшаяся.
Радуйся, в отраду болезней твоих орудия страстей Христовых созерцавшая;
Радуйся, честный крест и терновый венец нетленнаго Жениха твоего, Христа, узревшая.
Радуйся, язвы Господа на теле твоем носившая;
Радуйся, от всех язв Тем же Господом чрез ангела исцеленная.
Радуйся, яко Той же Господь даровал тебе крепость и премудрость, ейже не возмогоша противитися вси противляющиися истине;
Радуйся, от кровей твоих светлую себе ризу исткавшая.
Радуйся, яко тобою от многих ран грешнии исцеляются;
Радуйся, яко тобою от различных болезней с верою тя призывающих здравие приемлют.
Радуйся, уз греховных скорая решительнице;
Радуйся, о всех христианах пред престолом Божиим верная молитвеннице.
Радуйся, Параскево, невесто Христова всехвальная.
Кондак 7
Хотящу безумному мучителю игемону желание свое улучити и паки покушающуся ласкательными словесы тебе, святая мученице Параскево, от истиннаго Бога обратити к поклонению идолом; ты же, яко богомудрая дева, вразумляя его в суетстве идолов, рекла еси ему: "Покажи ми, игемоне, богов, ихже ты мниши исцеливших мя от ран", и по велению мучителя пришедши в храм идольский, помолилася еси единому истинному Богу, от Егоже Святаго имене вси идоли падоша и разсыпашася в прах, во уверение, яко един есть Бог, прославляемый во Святей Троице, Емуже вкупе со святыми ангелами выну вопиеши: Аллилуйя.
Икос 7
Новую показа безчеловечия ярость зверообразный мучитель, егда тебе, святая мученице Параскево, повеле на древе повесити и свещами горящими опаляти твоя девическая ребра. Сие пачеестественное терпение твое благоговейно воспоминающе, похвалами блажим тя сицевыми:
Радуйся, многообразныя болезни за Царя Христа Бога претерпевшая;
Радуйся, яко пред лицем человеческим аще и муку прияла еси, упование же твое безсмертия исполнено есть.
Радуйся, яко повешена была еси на древе Христа ради, на кресте распятаго, да венцем нетления от Него увязешися;
Радуйся, яко строгана была еси по ребром, Иисуса ради копием в ребро прободеннаго, да Царствием Его Небесным насладишися.
Радуйся, яко огнь любве к Богу в сердце твоем возжгла еси;
Радуйся, яко за Того свещами огненными палима была еси.
Радуйся, твердейшая адаманта в терпении твоем показавшаяся;
Радуйся, в вере во Христа Господа крепчае паче камене, в мужестве непоколебимом пребывшая.
Радуйся, яко огнем опаляема, огненною мудростию пламень угасила еси естественный;
Радуйся, яко свещу неугасиму душевную соблюдши, вошла еси со Христом Женихом твоим в чертог Небесный.
Радуйся, яко чудесными искрами страсти умертвивши, демонския полки страдальчески победила еси;
Радуйся, яко страданиями твоими много народ к познанию истиннаго Бога привела еси.
Радуйся, Параскево, невесто Христова всехвальная.
Кондак 8
Странное и страшное святыя мученицы Параскевы страдание видяще, вернии удивляхуся зело; како млада отроковица сущи, в юностнем телеси таковыя мужественно за Христа терпит муки, слезнаго исполнишася умиления; невернии же трепетом одержими и чудесными искрами опаляеми от ангела, бежаху; мы же, прославляюще дивнаго во святых Бога, вопием: Аллилуйя.
Икос 8
Весь Сладчайший Иисус сладость, весь желание тебе бысть, святая мученице Параскево: сладце бо Его ради горькия терпела еси муки, глаголюще к мучителю: "Враже нечестивый игемоне, что неистовствуеши на христианы; ни царства у тебе отъях, ни града твоего разорих, но буими словесы увещати мя помышляеши. Аз плоти моея не щажду за Христа моего, зане Он любит мя: к Нему пойду и Того буду невеста. Той мене спасет от рук враг моих и дарует ми жизнь вечную". Поминающе сицевая твоя словеса и доблественныя подвиги твоего исповедничества, вопием ти:
Радуйся, злобы неверных не устрашившаяся;
Радуйся, твари паче Создавшаго не послужившая.
Радуйся, во еже сопротивлятися врагом Божиим, в духовное всеоружие благодати Божией облекшаяся;
Радуйся, идолом немым и глухим в капище идольском не поклонившаяся.
Радуйся, именем всесильнаго Господа и твоею к Нему молитвою вся идолы тамо сокрушившая;
Радуйся, демонов коварствия божественною силою упразднившая.
Радуйся, томления мучителей крестом Господним, яко державным оружием, мужески победившая;
Радуйся, огненное опаление и жжение девственнаго телесе твоего в воню мира Христу Богу принесшая.
Радуйся, веру, надежду и любовь к Богу сохраншая;
Радуйся, победы венец от руки Христа жизнодавца приемшая.
Радуйся, реко, исполненная благодати Божия водами;
Радуйся, источниче кипящий чудес излияний.
Радуйся, Параскево, невесто Христова всехвальная.
Кондак 9
Всеми богокрасными лепотами добродетелей украсивши себе, прехвальная мученице Параскево, явилася еси тверда и непоколебима во исповедании веры Христовы. Сего ради ангельское естество велиею возрадовася радостию, узревши мужественную крепость твою и твердое твое упование. И мы слышавше, како посрамися лукавый враг, от девы побеждаемь, и како сам Христос Бог достойно венчает тя мученицу, купно с тобою радостно вопием прославляющему тя Господу: Аллилуйя.
Икос 9
Витийствующий язык не возможет восхвалити дела твоя и великия страдальческия твоя подвиги по достоянию, славная мученице Параскево: кто бо повесть страдания твоя и добродетели; на судищи бо исповедавши истиннаго Бога, от безчеловечных мучителей претерпела еси лютая, болезненная страдания; и в сих жестоких болезнех бывши палицами биема, железными ноготьми строгаема и огнем палима, ничтоже ино вещала еси к Создателю твоему, токмо сие: "Спаси мя, Господи, недостойную рабу, не разлучи мене, Христе, от Твоего желания!" Смиренно поминающе сицевая твоя страдания, умиленную песнь приносим ти, глаголюще:
Радуйся, кровию страдания твоего Христу Богу уневестившаяся;
Радуйся, страстем Христовым подражавшая.
Радуйся, любве ради Господни жестокия мучения претерпевшая;
Радуйся, от Небеснаго Царя благолепный венец восприявшая.
Радуйся, яко всем верным воспоминание твое пресладко;
Радуйся, яко всей Церкви Христовой имя твое пречестно.
Радуйся, досточудное ангелом и человеком зрелище бывшая;
Радуйся, и самых мучителей непобедимым терпением твоим удивившая.
Радуйся, яко сам Господь свыше призре на твоя страдания;
Радуйся, яко Сам Той подвигоположник похвали твоя подвиги.
Радуйся, девам доброто и похваление;
Радуйся, мучеником красото и верным утешение.
Радуйся, Параскево, невесто Христова всехвальная.
Кондак 10
Спасти хотя душу твою, о теле твоем всячески небрегла еси, святая мученице Параскево; егда бо на тя и мечное на смерть осуждение изыде от беззаконнаго мучителя, ты под меч острый, аки под венец красный, радостно потекла еси; и во главу усекновена бывши, душею твоею воспарила еси в чертог Жениха твоего безсмертнаго, Христа Бога, Емуже выну на небесех ныне воспеваеши: Аллилуйя.
Икос 10
Стена была еси крепка и непоколебима во исповедании веры в Триединаго Бога: сего ради многоболезненная страдания от мучителя претерпела еси, и добре скончавши течение твое, венец от Христа Бога прияла еси, и ангельских ликостояний на небеси сподобилася еси. Темже поминающе твоя подвиги, ублажаем тя, многострадальная:
Радуйся, течение мученическаго пути добре скончавшая;
Радуйся, веру безсмертному Жениху Христу до смерти сохраншая.
Радуйся, в житии твоем богоугодными делы Господеви послужившая;
Радуйся, за любовь ко Христу Богу всю мирскую суету отвергшая.
Радуйся, силою свыше на брань противу сил преисподних препоясанная;
Радуйся, победоносною славою в вышних от Христа победителя одеянная.
Радуйся, оружием благоволения Божия венчанная на земли;
Радуйся, цветом неувядаемым украшенная на небеси.
Радуйся, христианом крепкое прибежище;
Радуйся, верным твердое заступление.
Радуйся, безпомощных защитительнице;
Радуйся, сирых покровительнице.
Радуйся, Параскево, невесто Христова всехвальная.
Кондак 11
Пение наше всякое побеждается, и многое множество хвалебных песней, восписуемых ти, несть довольно по достоянию восхвалити тя, прехвальная мученице Параскево; обаче молитвами твоими получающе от Христа Бога неисчетная благодеяния, благодарни суще, поем о тебе Ему: Аллилуйя.
Икос 11
Возсиявши нам, яко светило светозарное, мрак демонский от человек твоими мольбами отгоняеши, святая мученице Параскево, приемши бо благодать целити недуги, всем верным, притекающим к тебе с молитвою, подаеши исцеление: кровоточивии бо и прокаженнии прикосновением к раце мощей твоих очищаются, глусии слышат, разслабленнии здравии бывают призыванием святаго твоего имене. Мы же, поминающе скорое заступление твое, вопием ти:
Радуйся, благовонная смирно, Церковь Христову благоухающая;
Радуйся, благонадежная молитвеннице, фимиам молитвы о нас к Богу приносящая.
Радуйся, мироположнице исцелений неоскудная;
Радуйся, сокровище Божиих даров неиждиваемое.
Радуйся, чаше, от обилия дому Божия черплющая радость;
Радуйся, сосуде, от исполнения Христова приемлющий всех благ небесных сладость.
Радуйся, благодатную росу исцелений всем верным источающая;
Радуйся, скорбныя сердца недужных дарованием исцелений ободряющая.
Радуйся, яко Христос Бог за доблественная твоя страдания славу и велелепие на тя возложил есть;
Радуйся, яко тебе Царь царствующих и Господь господствующих блаженство Царствия Своего даровал есть.
Радуйся, Царствия Христова сонаследнице;
Радуйся, славы Божия сопричастнице.
Радуйся, Параскево, невесто Христова всехвальная.
Кондак 12
Благодать от Бога дана ти есть подавати исцеления всем требующим, яко от источника пребогатаго, хранити же и соблюдати от различных болезней, бед и скорбей всякаго человека, верою, любовию и благоговением честная твоя страдания воспоминающаго и почитающаго. Молитвеннаго твоего о нас предстательства и благодатных дарований не лиши и нас, многострадальная Христова страстотерпице; да и мы, здрави суще телом и духом, в нынешней и будущей жизни о тебе поем Богу: Аллилуйя.
Икос 12
Поем твоя крепкия подвиги, почитаем страдания, хвалим долготерпение, ублажаем святую твою кончину, славим твое в немощнем теле непобедимое мужество, имже на земли и на небеси прославилася еси, святая и добропобедная мученице Параскево; и в честь твоих победоносных подвигов и страданий похвальная восписуем ти сия:
Радуйся, от ангельских чинов в сожительство их любезно приятая;
Радуйся, от девственных ликов в чертог небесный радостно введенная.
Радуйся, от мученических полков под венец славы провождаемая во гласе радования;
Радуйся, от небесных жителей приемлющая о Господе целование.
Радуйся, яко мзда твоя многа есть на небесех;
Радуйся, яко радость твоя вечна есть во светлости святых.
Радуйся, в небесном чертозе божественнаго Жениха твоего со ангелы Его веселящаяся;
Радуйся, лицезрением всеблагаго Господа тамо вкупе со святыми наслаждающаяся.
Радуйся, душевных и телесных недугов наших целительнице;
Радуйся, душеспасительных благ и небесных даров подательнице.
Радуйся, яко тобою от нечаянныя смерти сохранитися уповаем;
Радуйся, яко твоим заступлением вечную жизнь от Христа Бога улучити благонадежно чаем.
Радуйся, Параскево, невесто Христова всехвальная.
Кондак 13
О святая, премудрая и всехвальная мученице, невесто Христова Параскево! От благоговейных сердец приносимую ти, аще и недостойную, хвалебную песнь сию приими от нас, яко усердную жертву сердец, любящих тя и чествующих святую память твою. Охраняй нас молитвами твоими святыми, и вся люди, притекающия к честней иконе твоей и с любовию лобызающия ю, избавляй от всякаго злаго обстояния и скорби; да тихое и безмолвное житие поживше в нынешнем веце, блаженство вечное наследим и купно с тобою и всеми святыми выну сподобимся воспевати Богу: Аллилуйя.
Этот кондак читается трижды. Затем Икос 1 и Кондак 1.
Молитва
Святая невесто Христова, многострадальная мученице Параскево! Вемы, яко от юности твоея ты всею душею твоею и всем сердцем твоим возлюбила еси Царя славы, Христа Спасителя и Ему единому уневестилася еси, раздавши имения твоя неимущим и бедным. Ты силою благочестия твоего, твоим целомудрием и праведностию, яко лучами солнечными, просияла еси, живши свято среди неверных и безбоязненно проповедавши им Христа Бога. Ты, от дней юности твоея, наученная твоими родителями, всегда благоговейно чествовала дни искупительных страстей Господа нашего Иисуса Христа, Егоже ради и сама добровольно пострадала еси. Ты, десницею ангела Божия от неисцельных ран дивно исцеленная и восприявшая неизреченную светлость, изумила еси неверных мучителей. Ты, именем Господа нашего Иисуса Христа и силою молитвы твоея в капище языческом всех идолов долу повергши, в прах сокрушила еси я. Ты, опаляемая свещами, единою молитвою твоею ко всесильному Господу угасила еси огнь естественный, и тем же пламенем, чудесне возжженным чрез ангела Божия, попаливши неистовых беззаконников, мног народ привела еси к познанию истиннаго Бога. Ты, во славу Господа приявши мечное главы твоея усечение от мучителей, доблественно скончала еси страдальческий твой подвиг, возшедши душею твоею на небеса, в чертог вожделеннаго твоего Жениха Христа Царя Славы, радостно сретшаго тя небесным гласом: "Радуйтеся, праведнии, яко мученица Параскева увенчася!" Темже и мы днесь приветствуем тя, многострадальная, и, взирающе на святую твою икону, с умилением вопием ти: всечестная Параскево! Вемы, яко велие имаши дерзновение ко Господу: умоли убо Его Человеколюбца и о нас предстоящих и молящихся ти. Да подаст Он и нам, якоже тебе, терпение и благодушие в бедах и скорбных обстояниях; да дарует Он, ходатайством твоим и заступлением, радостное, благоденственное и мирное житие, здравие же и спасение, и во всем благое поспешение возлюбленному нашему отечеству, да ниспослет святое Свое благословение и мир, и всем православным христианам да подаст твоими святыми молитвами утверждение в вере, благочестии и святости, преспеяние же в христианской любви и всякой добродетели; да очистит нас грешных от всякия скверны и порока; да оградит нас святыми Своими ангелами, да заступит, сохранит и помилует всех святою Своею благодатию и соделает наследниками и причастниками Небеснаго Своего Царствия. И тако улучивше спасение твоими святыми молитвами, предстательством и заступлением, всеславная невесто Христова Параскево, прославим все пречистое и великолепое имя дивнаго во святых Своих истиннаго Бога, Отца и Сына и Святаго Духа, всегда, ныне и присно, и во веки веков. Аминь.
Печатается по изданию: Акафистник. Книга 2. Издательство Братства во имя св. Александра Невского; Н. Новгород, 1995 г.